Թուրքիան ասել է, որ անհրաժեշտության դեպքում ՌԴ-ն կարող է ձեռք բերել թուրքական ԱԹՍ-ներ

Թուրքիայի արտգործնախարար Մևլյութ Չավուշօղլուն հայտարարել է, որ Ռուսաստանը, անհրաժեշտության դեպքում, կարող է ապրանքներ գնել Թուրքիայի պաշտպանական արդյունաբերությունից:

«Թուրքիան անօդաչու թռչող սարքեր է վաճառում նրանց, ովքեր դրա կարիքն ունեն: Այս գործարքը (Ուկրաինայի հետ) ուղղված չէ Ռուսաստանի դեմ: Եթե Ռուսաստանն ունենա մեր արտադրանքը գնելու անհրաժեշտություն, ապա կարող է դրանք գնել այնպես, ինչպես մենք նրանցից գնել ենք Ս-400-ը»,- ասել է նախարարը Haber Turk հեռուստաալիքի եթերում:

Չավուշօղլուն կրկին պնդել է, որ Թուրքիան և Ռուսաստանը շարունակում են բանակցությունները Անկարայի կողմից Ս-400 զենիթահրթիռային համակարգերի երկրորդ գնդի ձեռք բերման շուրջ: