Պահանջում եմ հրապարակել սեպտեմբերի 30-ի ԱԽ նիստի եզրափակիչ մասում ՀՀ նախագահի և իմ ելույթը ամբողջությամբ. Օնիկ Գասպարյան. Armlur.am

Armlur.am-ի հետ զրույցում ԶՈՒ գլխավոր շտաբի նախկին պետ Օնիկ Գասպարյանը անդրադարձել է ԱԽ-ի հրապարակած ձայնագրությանը: Նա մասնավորապես նշել է՝ պահանջում է հրապարակել ՀՀ նախագահի և իր ելույթն ամբողջությամբ:

«Պահանջում եմ հրապարակել այդ օրվա նիստի եզրափակիչ մասում ՀՀ նախագահի ելույթը եւ որից հետո իմ ելույթը ամբողջությամբ»,- ասել է նա:

Հիշեցնենք, որ, ի պատասխան ՀՀ զինված ուժերի գլխավոր շտաբի նախկին պետ Օնիկ Գասպարյանի՝ 2020 թվականի նոյեմբերի 17-ի հայտարարության, Անվտանգության խորհրդի գրասենյակը հարկ էր համարել պարզաբանել սույն հայտարարությունում հնչած որոշ պնդումներ և հրապարակել դրան առնչվող գաղտնազերծված փաստաթղթեր: