Թուրքիան վերածվում է շարժական տեխնոլոգիաների տարածաշրջանային կենտրոնի. Էրդողան

Xiaomi-ն Salcomp-ի հետ համատեղ մինչև 30 միլիոն ԱՄՆ դոլարի ներդրում է կատարում բջջային հեռախոսների ձեռնարկություն ստեղծելու համար: Այս մասին հայտարարել է Թուրքիայի նախագահ Ռեջեփ Թայիփ Էրդողանը. հաղորդում է Anadolu լրատվական գործակալությունը:

Թուրք ղեկավարի խոսքով՝ այն ժամանակ, երբ համաշխարհային տնտեսությունը դեռ չի վերականգնվում կորոնավիրուսի համաճարակից, ներդրողները վստահում են Թուրքիայի տնտեսության ներուժին և հավատում նրա ապագային:

Նախագահը  իր և ամբողջ թուրք ժողովրդի անունից դրա համար շնորհակալություն է հայտնել  օտարերկրյա ներդրողներին:

«Xiaomi-ն Salcomp-ի հետ միասին մինչև 30 միլիոն ԱՄՆ դոլարի ներդրում է կատարում բջջային հեռախոսների ձեռնարկություն ստեղծելու համար: 14 հազար քառ. մետր մակերեսով նոր ձեռնարկությունում 2000 մարդ կաշխատի, և տարեկան կարտադրվի մինչև 5 միլիոն հեռախոս»,- ասել է Էրդողանը: