ԱՄՆ-ը կարող է Թուրքիային ներքաշել Ռուսաստանի դեմ պատերազմի մեջ. Կուրղինյան

ԿՀՎ ղեկավարի պաշտոնի թեկնածու Վիլյամ Բարնսի առաջարկը` ընդլայնել Ռուսաստանին հակադրվող երկրների շրջանակը, կարող է իրականացվել Թուրքիայի հաշվին․ «Ռոսիա-1» հեռուստաընկերության «Երեկո Վլադիմիր Սոլովյովի հետ» հաղորդման ժամանակ կարծիք է հայտնել «Ժամանակի էությունը» շարժման առաջնորդ Սերգեյ Կուրղինյանը:

«Եթե մենք խոսում ենք այն պետությունների շրջանակն ընդլայնելու անհրաժեշտության մասին, որոնք կպայքարեն մեր դեմ, ապա այն պետք է ընդլայնվի ինչ-որ մեկի հաշվին: Հավանաբար, սա դեռ Ռումինիա չէ, չէ՞: Բայց Թուրքիան խոշոր տերություն է, և մենք դիտում ենք, թե ինչ կլինի դրա հետ: Թուրք-ամերիկյան զորավարժությունները, որոնք ակնհայտորեն սպառնում են մեր անվտանգությանը ... մենք Ուկրաինայում ականատես ենք լինում Թուրքիայի շատ կոնկրետ գործողությունների: Շատ հատուկ: Եվ նրա հակաամերիկյան հռետորաբանությունը, իհարկե, կարող է տպավորություն թողնել մեզ վրա: Ինչ-որ իմաստով մենք կցանկանայինք, որ ինչ-որ մեկը դա ունենար: Բայց չպետք է որևէ հատուկ պատրանք ունենալ»,- ասել է Կուրղինյանը:

Նա նշեց, որ Թուրքիան եղել և շարունակում է մնալ հակառուսական ՆԱՏՕ-ի անդամ: Ուստի հարկ է հաշվի առնել, թե ում հաշվին է Բարնսը առաջարկում ընդլայնել այն երկրների շարքը, որոնք պետք է «հակահարված տան» Ռուսաստանին: