Փետրվարի 15-ը քաղցկեղ ունեցող երեխաների համաշխարհային օրն է

Ամեն տարի փետրվարի 15-ին անցկացվում է Մանկական քաղցկեղի դեմ պայքարի միջազգային օրը: Տարեկան աշխարհում օնկոլոգիական հիվանդություններով տառապում է 175 հազ. երեխա, որոնցից 90 հազ-ը հետագայում մահանում է: Ընդ որում՝ սա ոչ հստակ վիճակագրություն է, քանի որ ոչ բոլոր դեպքերն են գրանցվում: Մինչդեռ, բժիշկների կարծիքով, վաղ և ճիշտ ախտորոշման և ժամանակին բուժում նշանակելու դեպքում չարորակ ուռուցքների 70%-ը հնարավոր է բուժել:

Ավելի քան երբևէ, քաղցկեղի, հատկապես մանկական քաղցկեղի դեմ համախմբված և միասնական պայքարի կարիք կա: Հենց այդ պատճառով էլ մանկական քաղցկեղի դեմ պայքարող համաշխարհային կազմակերպությունները երկրների բնակչության լայն շերտերին մանկական օնկոլոգիական հիվանդությունների վաղ նախանշանների մասին տեղեկացնելու արշավներ են նախաձեռնում: