Թուրքիան առայժմ չի նախատեսում Ռուսաստանից գնել Սու-35 կործանիչներ

Թուրքիան հանրապետության ռազմաօդային ուժերի կարիքների համար առայժմ չի նախատեսում Ռուսաստանի հետ պայմանագիր կնքել Սու-35 կործանիչներ գնելու մասին: Այս մասին հունվարի 11-ին հայտարարել է Թուրքիայի պաշտպանական արդյունաբերության վարչության պետ Իսմայիլ Դեմիրը:

«Ավելի վաղ շատ ենք խոսել Սու-35-ների մասին և դիտարկել ենք այս առաջարկը: Բայց հիմա մենք կենտրոնանում ենք Hurjet ազգային ինքնաթիռների նախագծի վրա և արագացնում դրա իրականացումը: Այնպես որ՝ այլ բան գնելու հարցն այս պահին չի քննարկվում»,- մեջբերում է Anadolu  գործակալությունը:

Հիշեցնենք, որ Անկարան ռուսական Սու-35 կործանիչներ ձեռք բերելու հնարավորությունը սկսել է քննարկվել անցյալ տարի, այն բանից հետո, երբ ԱՄՆ-ը ռուսական Ս-400 ՀՕՊ համակարգեր ձեռք բերելու պատճառով դուրս թողեց Թուրքիային F-35 կործանիչների ծրագրից: