Թրամփը խոստացել է վետո դնել ԱՄՆ պաշտպանական բյուջեի նախագծի վրա

ԱՄՆ նախագահ Դոնալդ Թրամփը հայտարարել է, որ վետո կդնի պաշտպանական բյուջեի համաձայնեցված նախագծի վրա, քանի որ կոնգրեսականները չեն ներառել վիճահարույց հոդվածում փոփոխություններ կատարելու դրույթը:

«Դա շատ ցավալի է մեր ժողովրդի համար: Թվում է, որ սենատոր Ջիմ Ինհոֆը պաշտպանության բյուջեում չի ներառի 230-րդ հոդվածը հանելու ուղղում: Բաց է թողնվել վերջին հնարավորությունը»,- գրել է Թրամփը Twitter-ում:

Ավելի վաղ Սպիտակ տան խոսնակ Քեյլի Մաքինանին հայտարարել էր, որ Թրամփը կարգելափակի բյուջեն, եթե հաղորդագրության մեջ պարկեշտության մասին օրենքից չհեռացվի 230-րդ հոդվածը: Այս դրույթն առցանց հարթակներին ազատում է օգտատերերի մեկնաբանությունների բովանդակության համար պատասխանատվությունից, ինչպես նաև թույլ է տալիս ծառայություններին՝ հանդես գալ որպես մոդերատոր: