Ալիևը հարկադրված փոխել է «հաղթանակի օրվա» ամսաթիվը՝ թուրքերի դժգոհության պատճառով

Ադրբեջանի նախագահի աշխատակազմը հայտնում է, որ Իլհամ Ալիևը փոխել է «հաղթանակի օրվա» ամսաթիվը։ Որոշվել է «հաղթանակի օրը» նշել ոչ թե նոյեմբերի 10-ին, այլ նոյեմբերի 8-ին:

Պատճառն այն է, որ նոյեմբերի 10-ին Ադրբեջանի «մեծ եղբայր» Թուրքիայում նշվում է երկրի հիմնադիր Մուսթաֆա Քեմալ Աթաթուրքի մահվան օրը։

Երբ Ալիևն օրերս նոյեմբերի 10-ը «հաղթանակի օր» է հայտարարել, թուրքական սոցցանցերում օգտատերերը մեծ վայնասուն են բարձրացրել, որ իրենց երկրում սգո օրը եղբայրական երկրում տոնական օր է, ուստի իր հովանավորի զգացմունքները չվիրավորելու համար Ալիևը փոխել է օրը՝ միևնույն ժամանակ մոռանալով, որ այդ ժամանակ Ադրբեջանը «հաղթանակած» չէր։