Սանդուն նշել է, որ Մերձդնեստրի և Ղարաբաղի միջև ընդհանուր ոչինչ չկա

Մոլդովայի նորընտիր նախագահ Մայա Սանդուն երկուշաբթի մամուլի ասուլիսում հայտարարել է, որ Մերձդնեստրում և Լեռնային Ղարաբաղում առկա հակամարտությունների միջև ընդհանուր ոչինչ չկա. Մերձդնեստրյան մոլդովական հանրապետությունում իրավիճակը կարող է կարգավորվել միայն խաղաղ ճանապարհով:

«Մերձդնեստրի և ղարաբաղյան հակամարտության միջև ընդհանուր ոչինչ չկա, Մերձդնեստրի հակամարտությունը կարող է լուծվել միայն խաղաղ ճանապարհով, մենք կշարունակենք աշխատել 5 + 2 ձևաչափով՝ կարգավորման խնդրի լուծում գտնելու համար»,- ասել է Սանդուն:

Մերձդնեստրի կարգավորման բանակցություններին Քիշնևը և Տիրասպոլը մասնակցում են 5 + 2 ձևաչափով՝ որպես հակամարտության կողմեր, Ռուսաստանը, Ուկրաինան՝ որպես ԵԱՀԿ միջնորդ, ԵՄ-ն և ԱՄՆ-ը ՝ որպես դիտորդ։

Մերձդնեստրը, որի բնակիչների 60%-ը ռուսներ ու ուկրաինացիներ են, ձգտում էր անջատվել Մոլդովայից ԽՍՀՄ փլուզումից առաջ՝ վախենալով, որ Մոլդովան կմիանա Ռումինիային՝ ազգայնականության ալիքի ֆոնին: 1992-ին՝ Մոլդովայի իշխանությունների կողմից խնդիրը ռազմական ճանապարհով լուծելու անհաջող փորձից հետո, Մերձդնեստրը դարձավ տարածք, որն իրականում չի վերահսկվում Քիշնևի կողմից: