Ռուսաստանի ԱԳՆ–ն թուրք զինվորականներին Ադրբեջան ուղարկելը որակել է որպես Անկարայի ինքնիշխան որոշում

Թուրքիայի՝ իր զորքերն Ադրբեջան ուղարկելը Անկարայի ինքնիշխան որոշումն է: Այս մասին չորեքշաբթի լրագրողներին ասել է Ռուսաստանի Դաշնության արտաքին գործերի փոխնախարար Անդրեյ Ռուդենկոն՝ պատասխանելով ՏԱՍՍ-ի հարցին, թե արդյո՞ք Թուրքիայի խորհրդարանի կողմից թուրքական զորքերն Ադրբեջան ուղարկելու մասին հրամանագրի հաստատումը ազդում է Լեռնային Ղարաբաղի վերաբերյալ եռակողմ համաձայնագրի վրա (Ռուսաստան, Ադրբեջան և Հայաստան):

«Ո՛չ, սա նրա ինքնիշխան որոշումն է, որը, ըստ երևույթին, կապված է ռուս զինծառայողների հետ համատեղ խաղաղապահ կենտրոնում թուրք զինծառայողների մասնակցության հետ, որոնք կզբաղվեն համաձայնագրի իրականացման հետ կապված իրավիճակի տեխնիկական վերահսկմամբ»,- ասել է նա։

Նախօրեին Թուրքիայի խորհրդարանը հաստատել է երկրի նախագահի հրամանագիրը, որը նախատեսում է մեկ տարի ժամկետով թուրք զինվորականների գործուղել Ադրբեջան: