Անընդունելի է որևէ տարբերակ, որի հիմքում դրված է «տարածքներ՝ խաղաղության դիմաց» բանաձևը․ «Դեմոկրատական այլընտրանք» կուսակցության հայտարարությունը

«Դեմոկրատական այլընտրանք» կուսակցության Քաղաքական խորհուրդը, արցախյան հարցի կարգավորման մասին հանդես է եկել հայտարարությամբ, որը ներկայացում ենք ստորև․

 Քննարկելով Արցախում տեղի ունեցող պատերազմական իրադարձությունները ու դրա շուրջ ընթացող դիվանագիտական զարգացումները՝ կուսակցության Քաղաքական խորհուրդն արձանագրում է․

-կարգավորման որևէ տարբերակ պետք է երաշխավորի Արցախի անկախությունը, նրա ցամաքային կապը Հայաստանի հետ, ԼՂՀ միջազգային ճանաչումը, նրա անվտանգության միջազգային երաշխիքների ստեղծումը,

-անընդունելի է որևէ տարբերակ, որի հիմքում դրված է «տարածքներ՝ խաղաղության դիմաց» բանաձևը, որն, ըստ էության, ենթադրում է միակողմանի զիջումներ հայկական կողմից,

-կողջունենք Հայաստանի իշխանության ցանկացած արտաքին քաղաքական նախաձեռնություն, որը միտված է Արցախի ինքնորոշման իրավունքի պաշտպանությանը, միևնույն ժամանակ՝ որևէ մեկին իրավունք չենք տալիս Հայաստանի անունից բանակցել «տարածքներ՝ խաղաղության դիմաց» բանաձևի որևէ տարբերակի շուրջ։

 «Դեմոկրատական այլընտրանք» կուսակցության Քաղաքական խորհուրդ