Օկուպանտ երկրի ԱԳ նախարար Մեչյլութ Չավուշօղլուն հարցրել է ՆԱՏՕ-ին, թե ինչու կոչ չեն անում Հայաստանին` լքել «ադրբեջանական հողերը»

ՆԱՏՕ-ն պետք է հորդորի Հայաստանին` հետ կանչել իր զորքերը Լեռնային Ղարաբաղից. հայտարարել է Թուրքիայի արտգործնախարար Մևլյութ Չավուշօղլուն ՆԱՏՕ-ի գլխավոր քարտուղար Իենս Սթոլթենբերգի հետ Անկարայում կայացած համատեղ մամուլի ասուլիսում: Նա հիշեցրել է, որ ՆԱՏՕ-ն սատարում է Վրաստանի և Ուկրաինայի տարածքային ամբողջականությունն ապահովելու կոչերին:

«Ուրեմն ինչո՞ւ չհորդորել Հայաստանին` այս դեպքում լքել ադրբեջանական հողերը». հարցրել է թուրք նախարարը. նրա խոսքով՝ «դա պետք է անեն բոլորը, այդ թվում՝ ՆԱՏՕ-ն»:

Իր հերթին, Սթոլթենբերգը կրկնել է, որ կողմերին կոչ է արել անհապաղ դադարեցնել ռազմական գործողությունները Լեռնային Ղարաբաղում և սկսել բանակցություններ:

Ավելորդ չէ հարց ուղղել նույն Չավուշօղլուին, թե ինչո՞ւ Թուրքիան իր զորքերը չի հանում Կիպրոսից, Սիրիայից և Իրաքից, ինչպես նաև նավերը` Միջերկրականի հունապատկան ջրերից: