Իրանը աշխարհում 14-րդ ռազմական տերությունն է. Ռոհանի

Օգոստոսի 20-ին Իրանի նախագահ Հասան Ռոհանին, խոսելով երկրի ազգային պաշտպանության օրվա կապակցությամբ, ասել է, որ անցած հինգ տարիների ընթացքում երկիրը պաշտպանական հզորության առումով 23-րդից բարձրացել է մինչև 14-րդ հորիզոնական: Այս մասին հայտնում է իրանական IRNA գործակալությունը:

Ելույթ ունենալով իրանական պաշտպանական վերջին նվաճումներին բացահայտելու առցանց արարողությանը՝ Ռոհանին նշել է, որ Իսլամական հանրապետությունը ներկայումս ձգտում է աստիճանաբար առաջընթաց գրանցել պաշտպանական արդյունաբերության ոլորտում:

Նա շեշտել է, որ, բարեբախտաբար, Իրանը մեծ քայլեր է կատարել ռազմական ոլորտում: Նախագահը նշել է, որ իրանական ժամանակակից ռազմական տեխնիկան ընդլայնել է երկրի հնարավորությունները: