ՏԵՍԱՆՅՈՒԹ․ Վերացվում է հավաքների եւ գործադուլների արգելքը․ Փաշինյան

«Վերացվում է հավաքների եւ գործադուլների արգելքը, սակայն Աստված չանի, որ թվերի աճ ունենանք»,- այս մասին այսօր տեղեկացրեց ՀՀ վարչապետ Նիկոլ Փաշինյանը, մարտի 16-ին հայտարարված արտակարգ դրության ժամկետը երկարաձգելու հետ կապված կայացած կառավարության արտահերթ նիստում: Սակայն, նախագծի համաձայն, արտակարգ դրությունը կշարունակվի որոշակի մեղմացմամբ: Այսպիսով, ինչպես տեղեկացրեց ՀՀ արդարադատության նախարար ՌՈՒՍՏԱՄ ԲԱԴԱՍՅԱՆԸ. «Վերացվում է ՀՀ ամբողջ տարածքում հավաքների եւ գործադուլների արգելքը, որը փոխարինվում է թույլտվությամբ, սակայն որոշակի կանոնների պահպանման պայմանով: Մասնավորապես անհրաժեշտ է պարետի սահմանված կարգով եւ պահանջների համապատասխան դիմակի կրումը եւ սոցիալական հեռավորության պահպանումն անձնանց միջեւ՝ առնվազն 1,5 մետրի տարածության պահպանմամբ»:

Մանրամասները՝ տեսանյութում․