Ոչ մի հայ, ոչ մի դաշնակցական, հատկապես Արամ Մանուկյանը Անդրանիկին թուրքին չէր հանձնի. պատմաբան

Խ.Աբովյանի անվան հայկական պետական մանկավարժական համալսարանի պատմության և հասարակագիտության ֆակուլտետի դասախոս, պ.գ.դ., պրոֆեսոր Խաչատուր Ստեփանյանը գրում է.

«Ոչ մի հայ, ոչ մի դաշնակցական, հատկապես Արամ Մանուկյանը Անդրանիկին թուրքին չէր հանձնի։ Դատարկաբանությամբ չզբաղվենք, ԹԵՄԱՅԻՑ ՉՇԵՂՎԵՆՔ և Անդրանիկին հանգիստ թողնենք։

Պետք է պարզաբանել, թե արդյո՞ք ճիշտ են հայտնի հոդվածում հնչեցված մեղադրանքները մեր դպրոցների առարկայական չափորոշիչ-հայեցակարգերում թուրքերի կողմից հրամցված մոտեցումներ ընդգրկելու մասին։

Պետք է լսել մասնագիտական ծանրակշիռ շրջանակների կարծիքները և խուսափել վտանգավոր ուղուց։

Հ․Գ․ Կրթական բարեփոխումները հարատև, շարունակական գործընթաց են, երկրորդ կարծիք լինել չի կարող»։