Դարձյալ քննադատություն. Բիլ Գեյթսը դժգոհ է ԱՄՆ-ում կորոնավիրուսի ախտորոշման համակարգից

«Microsoft» կորպորացիայի հիմնադիր Բիլ Գեյթսը հարցազրույց է տվել CNBC-ին, որտեղ քննադատել է ԱՄՆ-ում կորոնավիրուսի թեստավորման համակարգը:

Ըստ Գեյթսի՝ օր օրի վարակի ախտորոշումը ԱՄՆ-ում ժամանակի և փողի անիմաստ վատնում է. «Ավելի քան երեք օր թեստի արդյունքների սպասելը «խենթություն է», որի համար ոչ ոք չպետք է վճարի», - ասել է նա ու հավելել. «Դուք պետք է այն հնարավորինս արագ ստանաք, որպեսզի վարակվածները փոխեն իրենց վարքը և չկարողանան վարակել ուրիշներին»։ 

Հիշեցնենք, ըստ վերջին տվյալների, ԱՄՆ-ում գրանցվել է կորոնավիրուսային հիվանդացության ավելի քան 4.3 միլիոն դեպք. ապաքինվել է 2.14 միլիոն մարդ, իսկ մահացել՝ ավելի քան 151 հազարը։