Մոսկվայի և Վաշինգտոնի հարաբերություններում առաջընթացի հասնելը գործնականում անհնար է. Պետքարտուղարություն

Ներկայիս քաղաքական իրավիճակում Մոսկվայի և Վաշինգտոնի հարաբերություններում առաջընթացի հասնելը գործնականում անհնար է. այս մասին Սենատի արտասահմանյան գործերով կոմիտեի նիստի ժամանակ ասել է ԱՄՆ փոխպետքարտուղար Սթիվեն Բիգանը, գրում է ՌԲԿ-ն:

Պատասխանելով ռուս ձեռնարկատեր Եվգենի Պրիգոժինի ու նրա հետ կապված ընկերությունների դեմ ԱՄՆ վերջին պատժամիջոցների վերաբերյալ հարցին, Բիգանը նշել է. «Ռուսաստանի դեմ մեր վերջերս ձեռնարկած քայլերը պարզապես ՌԴ-ի վարքագծի վաղեմի մոդելի դեմ պատասխան միջոցառումների մասն են, որը մեզ համար գործնականում անհնար է դարձնում ռուսների հետ հարաբերություններում առաջընթացի հասնելը»: