ԱՄՆ-ում կորոնավիրուսային իրավիճակը հնարավոր է՝ սրվի. Թրամփ

ԱՄՆ-ում կորոնավիրուսով պայմանավորված իրավիճակը կարող է վատթարանալ. այս մասին գրում է ՏԱՍՍ-ը՝ Սպիտակ տանը լրագրողների հետ ճեպազրույցում երկրի նախագահ Դոնալդ Թրամփի խոսքերին հղումով։ 

Նա, մասնավորապես, նշել է. «Որոշ նահանգներում իրավիճակը լավ է, որոշներում՝ շատ վատ: Ցավոք, հավանականություն կա, որ իրավիճակն ընդհանուր առմամբ դեպի վատը գնա: Ինձ ասածս դուր չի գալիս, բայց այդպիսին են իրողությունները: Տեսեք՝ նույնը նաև աշխարհում է տեղի ունենում», ու հավելել՝ ակտիվ համագործակցում են Կոնգրեսի հետ՝ համաճարկից առաջացրած սոցիալ-տնտեսական խնդիրները մեղմելու նպատակով աջակցության նոր փաթեթ ներկայացնելու համար:

Բացի այդ՝ Թրամփը հորդորել է երկրի բնակչությանն անպաման կրել դիմակներ՝ սոցիալական հեռավորություն պահպանման անհնարինության դեպքում։