Իրանի միջուկային օբյեկտի վրա հարձակվել է Իսրայելը. NYT

Իսրայելը պատասխանատու է Նաթանզում Իրանի միջուկային օբյեկտի վրա հարձակման համար: Այս մասին հուլիսի 5-ին հաղորդել է «Նյու Յորք Թայմզ» -ը՝ վկայակոչելով իրավիճակին ծանոթ մերձավորարևելյան հետախուզության սպային:

Զրուցակիցը պնդում է, որ օգտագործվել է հզոր պայթուցիկ սարք, որը տեղադրվել է օբյեկտի ներսում: Անանունության պայմանով այս տեղեկությունը հաստատել է «Իսլամական հեղափոխության պահապանների կորպուսի» զինծառայողներից մեկը:

Պարբերականը նշում է, որ չի կարող ամբողջությամբ հաստատել տվյալ դեպքին իսրայելական կողմի մասնակցության մասին տվյալները:

Ինչպես ավելի վաղ հաղորդել էինք, հուլիսի 2-ին հրդեհ էր բռնկվել Նատանզ քաղաքում ուրանի հարստացման գործարանի տարածքում: Դեպքի արդյունքում վնասվել էր միջուկային օբյեկտի մոտ կառուցվող շենքը: