Լոս Անջելեսի հայկական ձեռնարկությունները անկարգությունների ֆոնին ավերվել եւ կողոպտվել են

Լոս Անջելեսի հայկական ձեռնարկությունները անկարգությունների ֆոնին ավերվել եւ կողոպտվել են, որոնք հարուցել էր աֆրոամերիկացի Ջորջ Ֆլոյդի մահը:

Ըստ լրագրող Ուոլի Սարկիսյանի ֆեյսբուքյան էջում կատարված գրառման՝ գիշերը ավերվել եւ կողոպտվել է հայ ընտանիքի 30-ամյա բիզնեսը:

Հիշեցնենք՝ ավելի վաղ Associated Press լրատվական գործակալությունը նույնպես տեղեկացրել էր Լոս Անջելեսում անկարգությունների ֆոնին հասցված վնասի մասին։ Մասնավորապես, ըստ ԶԼՄ-ի հաղորդման, Ալան Կոկոզյանի կոշիկի խանութը ավերվել և կողոպտվել է:

Նշվում է՝ Կոկոզյանը ներխուժածներին խնդրել է փրկել իր բիզնեսը, բայց շշով հարվածել են նրա գլխին, ինչի առնչությամբ նա ասել է. «Դա քաղաքական բողոք չէր»։

Հիշեցնենք, որ վերջին մի քանի օրերին ԱՄՆ-ն անկարգություններ են տեղի ունենում, որոնք հարուցել է ոստիկանության նախկին աշխատակցի կողմից կատարված գործողության հետեւանքով աֆրոամերիկացի Ջորջ Ֆլոյդի մահը: