Էտնան մոխրի` 4,5 մետր բարձրությամբ սյուն է արտանետել

Եվրոպայի ամենախոշոր գործող հրաբուխը` Էտնան, որը գտնվում է Սիցիլիա կղզում, մոխրի` 4,5 մետր բարձրությամբ սյուն է արտանետել: Այդ մասին այսօր` մայիսի 22-ին, ըստ yerkir.am-ի, տեղեկացրել է իտալական АNSА գործակալությունը:

Սեյսմոլոգները ակտիվություն են գրանցել հրաբխի հարավարևելյան լանջի խառնարանում: Մոխրի արտանետումը տևել է 3 ժամ:

Գործող հրաբուխ Էտնան մասնագետների մշտական հսկողության տակ է: Վերջին անգամ այն ժայթքել էր 2019-ի փետրվարին, ինչի պատճառով փակել էին Կատանիա քաղաքի օդանավակայանը:

Անցյալ տարվա դեկտեմբերի 24-ին էլ էր Էտնան մոխիր արտանետել: Այդ ժամանակ հրաբխի հարավարևելյան խառնարանի մոտ ճեղքվածք էր առաջացել, ինչից հետո առաջացած երկրաշարժի հետևանքով էլ մոխրի սյուն էր բարձրացել: Իտալացի գիտնականները գրանցել էին ստորգետնյա 130 ցնցում, որոնցից ամենաուժեղները` 4 մագնիտուդով: