Ատոմ Էգոյանի «Արարատ» ֆիլմը՝ Թուրքիայում արգելված ֆիլմերի թոփ 5-յակում

Թուրքական Sondakika.com կայքը հրապարակել է Թուրքիայում արգելված ֆիլմերի թոփ 5-յակը։ Ցուցակում տեղ է գտել նաև կանադահայ ռեժիսոր Ատոմ Էգոյանի հայտնի «Արարատ» ֆիլմը։

Շառլ Ազնավորի գլխավոր դերակատարմամբ ֆիլմը պատմում է Հայոց ցեղասպանության մասին։ Ֆիլմը ստեղծվել է 2002 թվականին։ Որոշ կրճատումներով ֆիլմը ցուցադրվել է թուրքական մասնավոր հեռուստաընկերություններից մեկում։

Ցուցակում են հայտնվել նաև «Նիմֆոմանուհի», «Լոուրենս Արաբիացի», «Կեսգիշերային ճեպընթաց» և «Ամերիկա, Ամերիկա» ֆիլմերը։ Օսկարակիր այս վերջին ֆիլմի ռեժիսորը հունական արմատներով Էլիա Կազանն է. ֆիլմը պատմում է Օսմայան կայսրությունում հալածվող հույների և հայերի մասին. գլխավոր հերոս հույնը հայերի միջոցով կարողանում է տեղափոխվել ԱՄՆ։