Իտալիայում ևս մեկ անգամ թուլացրել են կարանտինային սահմանափակումները

Իտալիայում կարանտինի նոր թուլացումներ են մտցվել՝ ըստ որոնց, թույլատրվում է բացել ռեստորանները, բարերը, գեղեցկության սրահները, մարզասրահները, խանութները. այս մասին հաղորդում է  Corrier Della Sera-ն:

Իր հերթին, 37.5-ից բարձր ջերմություն ունեցող մարդկանց խորհուրդ չի տրվում տնից դուրս գալ: Քրոնիկական հիվանդություններով տառապող անձանց խորհուրդ է տրվում դուրս գալ միայն խիստ անհրաժեշտության դեպքում:

Միևնույն ժամանակ հանրային վայրերում պարտադիր է դիմակ կրելը, իսկ սննդի և հագուստի առևտրի վայրերում՝ մեկանգամյա օպգտագործման ձեռնոցները: Առևտրի կենտրոններ մուտք գործող անձինք ջերմաչափվում են:

Ավելի վաղ հայտնել էինք նաև,  որ Իտալիան բացում է սահմանները ԵՄ երկրների հետ: