Էրդողանը հայտարարել է, որ հայկական լոբբին երկրի հիմնական թշնամիներից է

Թուրքիայի նախագահ Ռեջեփ Թայիփ Էրդողանը երեկ ժողովրդին ուղղված ուղերձում անդարադարձել է կորոնավիրուսի հետևանքներին և դրա դեմ պայքարին։ Ելույթում անդրադառնալով ազգայնամոլական «Ազգայնական շարժում» կուսակցության հետ կազմած «Cumhur» դաշինքին, որի ժամանակ, որպես երկրի գլխավոր սպառանլիքներից մեկը, նշել է հայկական և հունական լոբբին. հայտնում է «Ակօս»-ը։

«Շարունակելու ենք չեզոքացնել մեր սահմանների դեմ ուղղված սպառնալիքները, իրենց բներում խեղդել ահաբեկչական կազմակերպությունները և Թուրքիայի թշնամիներին։ Միջերկրականում, Կիպրոսում, Էգեյանում մինչև վերջ տեր ենք կանգնելու մեր իրավունքներին և շահերին։ Դաշտը մաքրելու ենք FETÖ-ից (գյուլենականներից), ՔԱԿ-ից, հայկական և հունական լոբիներից, Պարսից ծոցում թշնամություն տարածող ուժերից», - նշել է Էրդողանը։