Ադրբեջանի կրոնական համայնքի ղեկավարը կոչ է արել երկրի իշխանություններին՝ արձագանքել Փաշինյանի՝ Շուշի կատարած այցին

Ադրբեջանի կրոնական համայնքային ղեկավար Խաջ Իլգար Իբրահիմ Օղլուն կոչ է արել երկրի իշխանություններին լրջորեն արձագանքել ՀՀ վարչապետ Նիկոլ Փաշինյանի ներկայցությանը Շուշի քաղաքում. հայտնում է իրանական arannnews.com-ը։

«Արդեն մի քանի տարի է, ինչ մենք բախվում ենք հիվանդոտ և ցավալի տեսարանին Շուշիի օկուպացման տարելիցին։ Թշնամին պետք է բախվի այնպիսի արձագանքի, որ տեսնի՝ նմանատիպ քայլերը չեն անցնի անհետևանք։ Այս նկարը (Շիշում Նիկոլ Փաշինյանի նկարը) պետք է ամեն բան պարզ դարձնի իսլամական ումմայի համար», - հայտարարել է Իբրահիմ օղլուն։

Իլգար Իբրահիմ Օղլուն ամենակարող աստծուց վերջում խնդրել է այս «դժվար փորձության» բարեհաջող ավարտ։

Նշենք, որ մայիսի 9-ին Նիկոլ Փաշինյանը այցելել էր Շուշի, մասնակցելու ադրբեջանցիներից քաղաքի ազատագրման 28-րդ տարեդարձին։