Իտալացի գիտնականները հայտարարել են՝ ստեղծել են կորոնավիրուսը չեզոքացնող «աշխարհում առաջին պատվաստանյութը»․ Daily Mail

Իտալացի գիտնականները հայտարարություն են տարածել առ այն, որ ստեղծել են «աշխարհում առաջին պատվաստանյութը», որն ունակ է չեզոքացնել կորոնավիրուսը. այս մասին հայտնում է Yerkir.am-ը՝ Daily Mail-ին հղումով։

Մասնավորապես, գիտնականները պատվաստել են այն մկներին և նրանցից հակամարմիններ վերցրել՝ արյան պլազմայի սպիտակուցները, որոնք արտադրվում են վիրուսին ի պատասխան։ Պարզ է դարձել, որ հակամարմիններն ունակ են չեզոքացնել կորոնավիրուսը մարդկային բջիջներում։

Պատվաստանյութը մշակողները պատրաստ են այն մարդկանց վրա թեստավորել աշնանը։

«Որքանով մեզ հայտնի է, մենք առաջինն ենք աշխարհում ցուցադրել կորոնավիրուսի չեզոքացումը պատվաստանյութով»,- նշված է գիտնականների հաղորդագրության մեջ։

Այս պահի դրությամբ փորձարկված պատվաստանյութը համարվում է Իտալիայում ստեղծված բոլոր պատվաստանյութերից ամենահեռանկարայինը։