Ապրիլի 24-ին Եկատերինբուրգում հայկական անմոռուկի պատկերն է հայտնվել

Եկատերինբուրգում գտնվող «Ելցինի կենտրոնն» ապրիլի 24-ի երեկոյան հայկական անմոռուկի գույն է ստացել, որը մշակվել էր 2015-ին Օսմանյան կայսրության կողմից իրականացված Հայոց ցեղասպանության հարյուրամյա տարելիցի առթիվ: Ակցիան կազմակերպել էր ՀՀ պատվավոր հյուպատոսությունը Եկատերինբուրգում: Հիշեցնենք, որ ապրիլի 24-ը Հայոց ցեղասպանության զոհերի հիշատակի օրն է, հաղորդում է «Վեչերնիե Վեդոմոստի»-ն:

Ըստ Եկատերինբուրգում ՀՀ պատվավոր հյուպատոս Նարեկ Սպարտակյանի` Ելցին կենտրոնի ներկայացուցիչները, չնայած այն հանգամանքին, որ այն չի աշխատում կորոնավիրուսի համավարակի կանխարգեօլման դեմ հայտարարված միջոցառումների պատճառով, ընդառաջեցին և համաձայնվեցին դիմերեսին հայկական անմոռուկ պատկերել: Անմոռուկը արտահայտում է հավերժ հիշատակի թեման, ինչպես նաև նախատեսված է խորհրդանշական կերպով հիշեցնելու հայ ժողովրդի անցյալի, ներկայի և ապագայի մասին:

Սահմանափակումների ներդրումն անդրադարձել է նաև հիշատակի միջոցառումների անցկացման վրա, որոնք այսօր չեն կայացել: Դրանց փոխարեն սոցիալական ցանցերում հայ ժողովրդին սատարող բազմաթիվ գրառումներ են հայտնվել:

Ապրիլի 24-ին Նարեկ Սպարտակյանը և նրա հայրը` Արիստակիսը, ծաղիկներ են դրել Մեծ Եղեռնի զոհերին նվիրված հուշարձանի մոտ, որը տեղադրվել էր Եկատերինբուրգի Սուրբ Կարապետ եկեղեցու տարածքում: Ծաղիկներ դնելու արարողությանը մասնակցել են նաև Սվերդլովսկի շրջանի մարդու իրավունքների հանձնակատար Տատյանա Մերզլյակովան և Եկատերինբուրգ քաղաքի հայ համայնքի նախագահ Մասիս Նազարյանը: