ԱԺ-ում քննարկվեց հողերի օտարումից առաջացած մուտքերը համայնքային բյուջեներ ուղղելու նախագիծը

ՀՀ խորհրդարանն երկրորդ ընթերցմամբ և ամբողջությամբ ընդունելու նպատակով քննարկեց Հայաստանի Հանրապետության հողային օրենսգրքում փոփոխություններ կատարելու մասին օրենքի նախագիծը։ Կառավարության հեղինակած օրինագիծն Ազգային ժողովի ապրիլի 17-ի նիստում ներկայացրեց ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը։

«Օրենքի նախագծով նախատեսվում է հողերի օտարումից առաջացող մուտքերն այսուհետև ուղիղ և լիարժեք ուղղել համայնքային բյուջեներ»,- նշել Տերտերյանը։

Նշենք, որ Հայաստանի Հանրապետության հողային օրենսգրքում փոփոխություններ կատարելու մասին օրենքի նախագիծն ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նիստում ստացել է միաձվայն դրական եզրակացություն։