Եվս մեկ մահ կորոնավիրուսից․ 89-ամյա հիվանդին «Նորք» ինֆեկցիոնում հնարավոր չի եղել փրկել

«Նորք» ինֆեկցիոն կլինիկական հիվանդանոցում արձանագրվել է մահվան դեպք՝ ըստ Yerkir.am-ի Ֆեյսբուքի իր էջով տեղեկացրել է ՀՀ առողջապահության նախարարի մամուլի խոսնակ Ալինա Նիկողոսյանը։

«89-ամյա պացիենտն ունեցել է կորոնավիրուսային հիվանդություն, հաստատված երկկողմանի ինֆիլտրատիվ թոքաբորբ։ Բացի այդ, քաղաքացին ունեցել է ուղեկցող խրոնիկ հիվանդություններ, այդ թվում՝ զարկերակային հիպերտոնիա, շաքարային դիաբետ։ Ցավոք, վերջինիս տարիքի և ուղեկցող հիվանդությունների պատճառով հնարավոր չի եղել փրկել նրա կյանքը»․-գրել է նա։

Նշենք, որ սա Հայաստանում կորոնավիրուսից մահվան 4-րդ դեպքն էր։

Հիշեցնենք, ընդհանուր առմամբ՝ ապրիլի 1-ին հաստատվել է կորոնավիրուսի 571 դեպք:

Բացասական արդյունք է արձանագրվել 2704 թեստավորման դեպքում: Փաստացի այս պահին բուժվում է 537 անձ:

Վերջին տվյալներով՝ ապաքինվել է 31 անձ: