Կեսարիայի հայկական եկեղեցում Միջինքի պատարագը չեղյալ է հայտարարվել կորոնավիրուսի պատճառով

Թուրքիայի Կեսարիա քաղաքում գտնվող ամենահին եկեղեցիներից մեկում՝ հայկական Սբ. Գրիգոր Լուսավորիչ եկեղեցում չեղյալ է հայտարարվել «Միջինքի» պատարագը (Մեծ պահքը կիսող օր)՝ կորոնավիրուսի կանխարգելման միջոցառումների շրջանակներում. այս մասին Yerkir.am-ը տեղեկանում է haberler.com կայքից։

Որոշումը կայացրել է Կ. Պոլսո հայոց պատրիարքարանը։ Պատրիարքարանի կողմից հրապարակված 9 կետանոց որոշման համաձայն՝ Թուրքիայում գործող բոլոր եկեղեցիներում չեղարկվել են ամեն տեսակ միջոցառումները։

Նշենք, որ Թուրքիայի Կրոնական հարցերով վարչությունը որոշում էր կայացրել այսօր՝ ուրբաթ օրը չեղյալ հայտարարել մզկիթներում նախատեսված բոլոր միջոցառումները։