Եղանակի և ախտահանման միջոցառումների պատճառով Վրաստանի սահմանին կուտակումներ են

Մամուլում լուրեր են շրջանառվում, որ Լարսի անցակետում առաջացել են տասնյակ մեքենաների կուտակումներ և արգելվում են հայկական բեռնատարների մուտքը ։

Տեղեկատվության ստուգման կենտրոնը հայտնում է, որ խնդրի վերաբերյալ Վրաստանում Հայաստանի դեսպանության և Էկոնոմիկայի նախարարության կողմից ժամեր առաջ տարածվել էր հայտարարություն։

Ըստ տարածված հաղորդագրության՝ Լարսի մաքսակետում եղանակային անբարենպաստ պայմանների, ինչպես նաև նոր տիպի կորոնավիրուսի չտարածման նպատակով իրականցվող ախտահանող միջոցառումների հետ կապված, վրաց-ռուսական սահմանին կան բեռնատարների կուտակումներ։ Քանի որ ամեն հաջորդ մաքսակետում բեռնատարների կուտակումներ են առաջանում ՝ բացթողումն իրականացվում է մյուս մաքսակետերի հետ համաձայնեցման կարգով։