Ուկրաինայում գրանցվել է կորոնավիրուսից մահվան առաջին դեպքը

Ուկրաինայում գրանցվել է կորոնավիրուսից մահվան առաջին դեպքը: Այս մասին հայտարարել է երկրի առողջապահության նախարար, բժիշկ-ինֆեկցիոնիստ Օլգա Գոլուբովսկայան, հաղորդում է ՌԲԿ Ուկրաինան:

Բժիշկը նշել է, որ մահացածը բնակվում էր Ժիտոմիրի մարզում:

«Ցավոք, գրանցվել է COVID-19-ից մահվան առաջին դեպքը՝ Ժիտոմիրի մարզում»,- գրել է նա Ֆեյսբուքի իր էջում:

Միեւնույն ժամանակ, Ուկրաինայի ԱՆ-ն հաստատել է 71-ամյա կնոջ մահվան դեպքը: Կնոջ մոտ կորոնավիրուսը հայտնաբերվել էր մարտի 12-ին:

«Ուկրաինայի առողջապահության նախարարությունը նշում է, որ մահացած կինը գտնվել է ռիսկի խմբում: Համաձայն համաշխարհային միտումների՝ մարդկանց ավագ սերունդն ավելի խոցելի է մահվան ելքով COVID-19 կորոնավիրուսով վարակվելու հարցում»,-ասվում է հայտարարության մեջ:

Այսօր հաղորդվել է, որ կինը ծանր վիճակում էր: Նա շատ ուշ էր դիմել բժիշկներին. կինը միացվել էր թոքերի արհեստական օդափոխման սարքին:

Հիշեցնենք, որ Ազգային անվտանգության եւ պաշտպանության խորհրդում հայտարարել են, որ 48 ժամ անց Ուկրաինան կփակի օտարերկրացիների համար սահմանն աշխարհում կորոնավիրուսի համաճարակի կապակցությամբ: