Պուտինը մարտի 5-ին Ստամբուլում Էրդողանի հետ հանդիպում չի նախատեսում. Պեսկով

ՌԴ նախագահի մամուլի քարտուղար Դմիտրի Պեսկովը հերքել է այն տեղեկությունները, ըստ որի, Վլադիմիր Պուտինը և Թուրքիայի նախագահ Ռեջեփ Թայիփ Էրդողանը մարտի 5-ին կհանդիպեն Ստամբուլում:

«Նախագահ Պուտինի ծրագրերի մեջ մարտի 5-ին նման հանդիպում չի մտնում», - լրագրողներին հայտնել է Պեսկովը՝ նշելով, որ մարտի 5-ին այլ աշխատանքային ծրագրեր կան. հայտնում է «ՏԱՍՍ» գործակալությունը:

Պեսկովը նաև ընդգծեց, որ աշխատանքային հանդիպումներ են տեղի ունենում ՌԴ և Թուրքիայի մասնագետների միջև՝ Իդլիբի վերաբերյալ:

Երեկ Էրդողանը լրագրողներին հայտնել էր, որ ՌԴ ղեկավարի հետ հանդիպումն ամենայն հավանականությամբ կկայան մարտի 5-ին: