«ՁԻԱՀ-ի կանխարգելման հանրապետական կենտրոնը» միացվեց «ՆՈՐՔ» ինֆեկցիոն հիվանդանոցին

ՀՀ կառավարությունը այսօրվա՝ հունվարի 30-ի նիստում, ըստ Yerkir.am-ի, որոշեց «ՁԻԱՀ-ի կանխարգելման հանրապետական կենտրոն» ՊՈԱԿ-ի գլխավոր մասնաշենքը՝ օժանդակ շինություններով,  0.618 հեկտար հողամասով հետ վերցնել կազմակերպությունից և որպես 100 տոկոս պետական մասնակցությամբ միավորել «ՆՈՐՔ» ինֆեկցիոն կլինիկական հիվանդանոց» ՓԲԸ-ին:

Երկու կենտրոնների միացման նպատակը երկու իրավաբանական անձանց ռեսուրսների (կադրային, ֆինանսական և գույքային) արդյունավետ տնօրինումն է, լաբորատոր ախտորոշիչ (ներառյալ ռենտգեն և ուլտրաձայնային հետազոտություններ) հզորությունների, բժշկական սարքավորումների օգտագործման արդյունավետության և  արտադրողականության բարձրացումը, վարչական ենթակառուցվածքների օպտիմալացումը և առողջապահական համակարգի կազմակերպությունների աշխատանքների համակարգված և արդյունավետ կազմակերպումը: