ԵՊՀ ՈՒԽ նախագահին հարցաքննել են վկայի կարգավիճակով և բաց թողել

ԵՊՀ ուսանողական խորհրդի նախագահ Դավիթ Ափոյանին հարցաքննել են վկայի կարգավիճակով և բաց թողել:

GPnews.am-ի հետ զրույցում Դավիթ Ափոյանը նշեց, որ արդեն երկրորդ անգամ է, իրեն  անհիմն փաստերով հրավիրում են հարցաքննության. «Երկու տարբեր գործերով արդեն հրավիրել են հարցաքննության, որոնց ժամանակ դեպքի վայրում չեմ եղել: Նույնիսկ առաջին դեպքի ժամանակ բանակում ծառայելիս եմ եղել և ինձ որպես վկա հրավիրել էին հարցաքննության, իսկ այս դեպքում ներկա եմ եղել մի միջոցառման, որին շուրջ 200 մարդ է մասնակցել: Արդյո՞ք սա պատահականություն է, թե՝ ոչ»,-ասաց նա:

Դավիթ Ափոյանը նշեց, որ մինչ իրեն բերման ենթարկելը, որևէ կերպ չեն ծանուցել:

Հիշեցնենք, որ այսօր Երևանի պետական համալսարանից ոստիկանության Նորք-Մարաշ բաժանմունք բերման են ենթարկել ԵՊՀ ուսանողական խորհրդի նախագահ Դավիթ Ափոյանին: