Ռուսաստանի ԱԳՆ-ն մեկնաբանել է Թրամփի իմպիչմենտը

ԱՄՆ նախագահ Դոնալդ Թրամփի իմպիչմենտը ոչ մի կերպ չի անդրադառնա Մոսկվայի և Վաշինգտոնի երկկողմ հարաբերությունների վրա. ըստ Yerkir.am-ի՝ այս մասին «ՌԻԱ Նովոստիին» հայտնել է Ռուսաստանի փոխարտգործնախարար Սերգեյ Րյաբկովը:

«Իմպիչմենտի վերաբերյալ քննարկումներն ու գործընթացները ԱՄՆ ներքին գործերն են: Մենք դրա հետ ոչ մի կապ չունենք, ոչ մի ձև գնահատական չենք տալիս և մեր օրակարգային աշխատանքները՝ ներառյալ սպառազինության վրա վերահսկողությունը, ոչ մի կապ չունեն իմպիչմենտի գործընթացի հետ», - նշել է Րյաբկովը:

Չորեքշաբթի Ներկայացուցիչների պալատում դեմոկրատները երկու հոդվածի հիման վրա իմպիչմենտի ենթարկեցին Թրամփին, իսկ այդ գործը պետք է ուղարկվի Սենատ, որտեղ հանրապետական մեծամասնություն ունեցող մարմինը, ըստ ամենայնի, կարդարացնի նախագահին: