Թուրքիան պատրաստ է ԱՄՆ-ից գնել «Պատրիոտ» համակարգեր, եթե ԱՄՆ-ը շահավետ պայմաններ առաջարկի

Թուրքիայի նախագահ Ռեջեփ Թայիփ Էրդողանն ԱՄՆ նախագահ Դոնալդ Թրամփի հետ Վաշինգտոնում կայացած հանդիպման ժամանակ հայտարարել է, որ պատրաստ է ձեռք բերել «Պատրիոտ» զենիթահրթիռային համակարգեր, եթե ԱՄՆ-ն առաջարկի շահավետ պայմաններ. ըստ Yerkir.am-ի՝ հայտնում է korrespondent.net-ը:

«Մենք կարող ենք հաղթահարել  Ս-400-ների և Ֆ-35-երի շուրջ առաջացած տարաձայնությունները։  Ես նախագահին հայտնել եմ «Պատրիոտ» գնելու ցանկության մասին, եթե առաջարկվեն շահավետ պայմաններ»,- պարզաբանել է Էրդողանը՝ բանակցությունների արդյունքները ներկայացնելով լրագրողներին:

Նա շեշտել է, որ Թուրքիան վճռական է տրամադրված ԱՄՆ-ի հետ հարաբերություններում նոր էջ բացելու հարցում, և միայն երկխոսությունը հնարավորություն կտա երկու երկրներին կարգավորելու պաշտպանական արդյունաբերության ոլորտում առաջացած տարաձայնությունները։