Մետրոյի նոր կայարանի և ճոպանուղու նախագծանախահաշվարկային աշխատանքները ավարտին են մոտեցել. Իզաբելլա Աբգարյան

Երևանի մետրոպոլիտենի նոր կայարանի ու ճոպանուղու կառուցումը միս ու արյուն է ստանում։ Այս մասին Իրավաբան․net-ը տեղեկանում է Երևանի ավագանու անդամ Իզաբելլա Աբգարյանից։

«Այս մասին երեկ կայացած ավագանու «Իմ քայլը» խմբակցության նիստում մեր հետաքրքրությանն ի պատասխան հայտնեց Երևանի գլխավոր ճարտարապետ Արթուր Մեսչյանը:

Ինչպես և խոստացվել էր, գրեթե ավարտին են մոտեցել նախագծանախահաշվարկային աշխատանքները, ճոպանուղու դեպքում նաև պարզ է դարձել երթուղու մանրամասն ճամփան»,- նշում  է նա։

Իզաբելլա Աբգարյանի խոսքով, ներդրումային երկու ծրագիրն էլ հետաքրքրություն են առաջացրել ներդրողների շրջանակում, շուտով կհրապարակվեն նաև էսքիզները։

Հիշեցնենք, որ մետրոյի նոր կայարան նախատեսվում է կառուցել Աջափնյակում՝ «Թումո»-ի մոտ։