Սիրիական բանակը մտել է քրդերի վերահսկողության տակ գտնվող Թաբկա քաղաքը և շարժվում է դեպի հյուսիս

Սիրիական բանակը մտել է Սիրիայի Ռաքքա շրջանի Թաբկա քաղաքը, որը գտնվում է քրդերի վերահսկողության տակ, և շարժվում է դեպի հյուսիս. հայտնում է ՌԻԱ «Նովոստի»-ն՝ լիբանանյան al-Mayadeen հեռուստաալիքին հղումով:

Սիրիական իշխանությունների կողմից պաշտոնական հայտարարություններ դեռ չեն արվել:

Սիրիայի հյուսիսարևելյան շրջանների ինքնավար վարչությունը կիրակի՝ հոկտեմբերի 13-ին, հայտարարել էր, որ պայմանավորվածություն է ձեռք բերել սիրիական իշխանությունների հետ սիրիական բանակը թուրք-սիրիական սահմանի երկայնքով դիրքավորելու հարցում՝ թուրքական բանակի և թուրքամետ խմբավորումների հարվածներին դիմակայելու նպատակով:

Հիշեցնենք, որ հոկտեմբերի 9-ին Թուրքիայի նախագահ Ռեջեփ Թայիփ Էրդողանը հայտարարել էր, որ երկրի ԶՈւ-ն սկսել են «Barış Pınarı-Խաղաղության ակունք» ռազմական գործողությունը Սիրիայում: