Լոնդոնը պատրաստ Է դաշնակիցների հետ մասնակցել Թեհրանի դեմ ուղղված պատասխան քայլերին. Ջոնսոն

Միացյալ Թագավորության վարչապետ Բորիս Ջոնսոնի կարծիքով՝ Իրանը պատասխանատվություն է կրում Սաուդյան Արաբիայի օբյեկտներին հասցված հարվածների համար: Նա նշել է, որ պատրաստ է ԱՄՆ-ի և եվրոպական դաշնակիցների հետ աշխատել Թեհրանի գործողություններին պատասխանելու նպատակով: Այս մասին բրիտանական կառավարության ղեկավարը լրագրողներին հայտնել Է ինքնաթիռում՝ Նյու Յորք մեկնելու ճանապարհին, որտեղ մասնակցելու Է ՄԱԿ-ի Գլխավոր ասամբլեայի (ԳԱ) 74-րդ նստաշրջանին. տեղեկացնում է Reuters գործակալությունը:

«Մեծ Բրիտանիան կարծում է, որ Իրանն, ամենայն հավանականությամբ, պատասխանատվություն Է կրում Saudi Aramco ազգային նավթընկերության օբյեկտների վրա կատարված գրոհների համար: Մենք մեր ամերիկացի և եվրոպացի ընկերների հետ աշխատելու ենք պատասխան տալ այդօրինակ գործողություններին՝ Պարսից ծոցում լարվածության ապաԷսկալացման նպատակով», - պարզաբանել Է Ջոնսոնը ու հավելել. «Ակներև Է, որ եթե Սաուդյան Արաբիան կամ Վաշինգտոնը դիմեն մեզ, ապա մենք կքննարկենք, թե ինչ կերպ կկարողանանք օգուտ բերել»: