Մեր առաջնահերթությունը թուրքական բռնազավթմանը վերջ տալն է. Հունաստանի վարչապետ

Հունաստանի նորընտիր վարչապետ Կիրիակոս Միցոտակիսն իր առաջին արտասահմանյան այցը, որպես ավանդույթ, կատարել է Կիպրոսի Հանրապետություն: Կիպրոսի նախագահ Նիկոս Անաստասիադիսի հետ հանդիպման ժամանակ Միցոտակիսը անդրադարձել է Կիպրոսի ջրային տարածքներում Թուրքիայի անօրինական գործողություններին:

«Կիպրոսը էներգետիկ ոլորտում իրեն նետված մարտահրավերների դեմ ունի և' Հունաստանի, և' ԵՄ-ի աջակցությունը: Մեր առաջին առաջնահերթությունը թուրքական բռնազավթմանը վերջ տալն է»,- Միցոտակիսի խոսքերն է մեջբերում «Սպուտնիկ»-ի թուրքական ծառայությունը:

Նշենք նաև, որ Կիպրոսի նախագահ Անաստասիադիսի և Կիպրոսի բռնազավթված թուրքական հատվածի նախագահ Մուսթաֆա Աքընջըի միջև մոտակա օրերին նախատեսված է հանդիպում` քննարկելու համար Միջերկրականի արևելյան ջրերում առաջացած ճգնաժամը: