Անկարայում վիրավորված` բելառուսցի դիվանագետի վիճակը ծանր է

Անկարայում վիրավորված` բելառուսցի դիվանագետի վիճակը շարունակում է ծանր մնալ, նա վերակենդանացման բաժանմունքում է: Այդ մասին РИА Новости-ին հայտնել է Բելառուսի ԱԳՆ մամուլի խոսնակ Անատոլի Գլազը:

«Գիշերը դիվանագետին վիրահատել են, վիրահատությունը հաջող է անցել»,- հավելել է նա:

Հարձակումը տեղի է ունեցել այգում, որտեղ դեսպանը զբոսնելիս է եղել իր որդու հետ: Բելառուսի ԱԳՆ-ի համաձայն`  նրա ուղղությամբ մի քանի անգամ կրակել է հոգեկան ոչ առողջ վիճակում գտնվող տեղացի:  Երեխան չի տուժել: Գերատեսչության աղբյուրի համաձայն` խոսքը Ալեքսանր Պոգանշևի մասին է:

Ըստ թուրքական Sozcu-ի` հարձակման պատճառ է եղել կենցաղային վեճը:

Թուրքիայի ԱԳՆ ղեկավար Մևլութ Չավուշօղուի խոսքով` հետաքննություն է ընթանում, քաղաքական դրդապատճառ չի դիտարկվում: