Ոչ մի բան էլ չեմ նկատում. Ծառուկյանը` ՍԴ-ի շուրջ ստեղծված ճգնաժամի մասին

Ոչ մի բան էլ չեմ նկատում. այսօր խորհրդարանում լրագրողների հետ ճեպազրույցում ասաց «Բարգավաճ Հայաստան» խմբակցության ղեկավար Գագիկ Ծառուկյանը՝ անդրադառնալով հարցին, թե արդյո՞ք ճգնաժամ չի նկատում Սահմանադրական դատարանի շուրջ և ինչ  է կարծում ՍԴ անդամ Վահե Գրիգորյանի հայտարարությունների մասին:

«Մարդիկ չքնեն, հելնեն, ինչ-որ մի եզրակացություն, միտք ասեն, ու ամբողջ բանը այդ ուղղությամբ գնա»,- ասաց նա:

Դիտարկմանը` հնարավոր է, որԱԺ-ում քննարկումներ նախաձեռնվեն Վահե Գրիգորյանի նամակի քննարկման համար, Գագիկ Ծառուկյանը պատասխանեց․ «Մեզ դեռ այդ մասին բան չեն ասել, մենք դեռ չենք քննարկել: Երբ որ մեզ դիմեն, մենք պատրաստ ենք խմբակցությունում հավաքվել և քննարկել: Ձեզ տեղյակ կպահենք»: