Սուրիկ Խաչատրյանի` Երևանում կառուցված հսկայական տունը գրանցվել է երկու օր առաջ․ Սարհատ Պետրոսյան

Սյունիքի նախկին մարզպետ Սուրիկ Խաչատրյանի` առանց իրավունքի կառուցված հսկայական տունն ի՞նչ ճակատագրի է արժանանալու․ «Գույքի նկատմամբ իրավունքների պետական գրանցման մասին» ՀՀ օրենքում փոփոխություններ և լրացումներ կատարելու մասին» օրենքի նախագծի և կից ներկայացված նախագծերի փաթեթի քննարկման ժամանակ անշարժ գույքի պետական կադաստրի ղեկավար Սարհատ Պետրոսյանից հետաքրքրվեց «Լուսավոր Հայաստան» խմբակցության պատգամավոր Արման Բաբաջանյանը։

Նա տեղեկացրեց, որ այդ գույքը գրանցվել է երկու օր առաջ միայն։ «Մինչ այս պահը ինքնակամ շինություն էր համարվում՝ համապատասխան վճարումներ կատարելով Երևան քաղաքի բյուջեին»,- հայտնեց Պետրոսյանը։

Նա հավելեց՝ որ ինքն իրավասու չէ ասել, թե ինչ պետք է կատարվի այդ գույքի հետ։