Դատարանը դռնփակ նիստում քննում է Արմեն Թավադյանին կալանավորելու մասին միջնորդությունը

Դատարանը դռնփակ նիստում քննում է «5-րդ ալիք» հեռուստաընկերության սեփականատեր Արմեն Թավադյանին կալանավորելու մասին միջնորդությունը: Արմեն Թավադյանին մեղադրանք է առաջադրվել՝ ՀՀ քրեական օրենսգրքի 258-րդ հոդվածի 4-րդ մասով` որպես զենք օգտագործվող առարկայի գործադրմամբ խուլիգանություն կատարելը: 

Մայիսի 13-ին, Երեւան քաղաքի ընդհանուր իրավասության դատարանում, ՀՀ 2-րդ նախագահ Ռոբերտ Քոչարյանի վերաբերյալ կայանալիք դատական նիստին մասնակցելու նպատակով՝ դատարան է մուտք գործել ակտիվիստ Վարդգես Գասպարին: Նույն օրը  նա ոստիկանությանը հաղորդում է ներկայացրել, որ  դատարանի բակում մի խումբ անձինք  քաշքշել են իրեն՝ կատարելով այլ բռնի գործողություններ և ջրի տարայով մեկ անգամ հարվածել են դեմքին՝ պատճառելով մարմնական վնասվածք: