Անհնար է միաժամանակ օգտագործել Ֆ-35-ներն ու Ս-400-ները. Պոմպեո

ԱՄՆ արտաքին գործերի նախարար Մայք Պոմպեոն ելույթ է ունեցել ԱՄՆ Սենատի արտաքին հարաբերությունների հանձնաժողովում, և անդրադարձել Թուրքիայի կողմից ռուսական Ս-400 համակարգեր գնելուն. տեղեկացնում է demokrathaber.org կայքը:

«Պենտագոնից ինձ հայտնել են, որ այնտեղ, որտեղ գործում են Ս-400 ՀՕՊ համակարգերը, չեն կարող գործել Ֆ-35 կործանիչները: Դա գուցե հստակ տեխնիկական բացատրություն չէ, սակայն այդ սարքավորումները միևնույն տեղում չեն կարող լինել. մեր արտաքին քաղաքականության և զինվորական գերատեսչությունները հստակ նշել են դա: Դա լուրջ տեխնիկական հարց է: Թուրքիան կարևոր օղակ էր Ֆ-35-ների պահեստամասերի արտադրման գործընթացում, սակայն Ս-400-ների գործարքի պայմաններում դա չի լինելու»,- ասել է նա: