Մոմավառություն-երթ՝ նվիրված Ապրիլյան պատերազմի զոհերի հիշատակին

Ազատության հրապարակից մեկնարկել է Ապրիլյան պատերազմի զոհերի հիշատակին նվիրված մոմավառություն-երթը։ Ջահերով և Ապրիլյան պատերազմում զոհված հերոսների լուսանկարներով երթը հասնելու է մինչև Եռաբլուր։

Հիշեցնենք`2016թ.  ապրիլի 1-ի լույս 2-ի գիշերը ադրբեջանական կողմը Արցախի Հանրապետության նկատմամբ սկսել էր լայնածավալ հարձակողական գործողություններ: Հաջորդ օրը, վաղ առավտից  առաջնագծի հարավային ուղղությամբ Ադրբեջանի զինված ուժերը հրթիռահրետանային միջոցների և զրահատեխնիկայի կիրառմամբ՝ շարունակել են ագրեսիվ ռազմական գործողությունները, այնուհետև շփման գծի ողջ երկայնքով  ականանետերով ու հրանոթներով շարունակել է արկակոծել հայկական զինված ուժերի առաջնային դիրքերն ու մերձակա հայկական բնակավայրերը։ Ապրիլյան քառօրյայի ժամանակ Ադրբեջանի զինված ուժերը կիրառել են «Սմերչ» համազարկային կրակի ռեակտիվ համակարգ:

Քառօրյա պատերազմում հայկական կողմից հանուն Հայրենիքի պաշտպանության նահատակվել են 110 հայորդիներ: