Պակիստանը դիմել է Թուրքիայի միջնորդությանը

Պակիստանի վարչապետ Իմրան Հանը Հնդկաստանի հետ առաջացած լարվածությունը նվազեցնելու համար զանգահարել է Թուրքիայի նախագահ Ռեջեփ Թայիփ Էրդողանին. հաղորդում է թուրքական sabah.com.tr կայքը:

Հնդկաստանի միջև առաջացած լարվածության թեմայով խորհրդարանում կայացած համատեղ նիստում Հանը սենատորներին հայտնել է. «Մեր բարեկամների հետ խորհրդակցելու ենք և խնդրելու ենք լարվածության նվազեցման հարցում դերակատարում ունենալ: Այդ իսկ պատճառով Թուրքիայի նախագահին եմ զանգահարել»:

Նշենք, որ օրեր առաջ պակիստանյան կործանիչը խոցվել էր Հնդկաստանի օդուժի կողմից, ինչին հետևել էին երկուստեք ռազմական գործողություններ, որոնք շարունակվում են առ այսօր: