Վարչապետը հանձնարարեց մշակել տոկոսադրույքների նվազեցման ռազմավարությունն ու քաղաքականությունը

Կառավարությունը և Կենտրոնական բանկը պետք է լրջորեն համագործակցեն տոկոսադրույքների նվազեցման ռազմավարության և քաղաքականության ուղղությամբ. կառավարության նիստում ասաց ՀՀ վարչապետ Նիկոլ Փաշինյանը և հավելեց, որ այդ գործում անելիք ունեն նաև ԱԺ-ն և արդարադատության նախարարությունը:

Վարչապետը հայտնեց, որ, ԿԲ հաշվարկներով, բանավեճային փուլում է 300 մլրդ դրամի հարցը, այդ գումարը ոչ ոքի չի պատկանում, որովհետև դատական համակարգը ժամանակին լուծում չի տալիս: Փաշինյանը նշեց, որ անցած տարվա վերջին բանկերի ներկայացուցիչների հետ հանդիպման ժամանակ պայմանավորվել են խնդրին լուծում տալ, և այդ գումարի` շուկայում հայտնվելը կնպաստի տոկոսադրույքների նվազեցմանը:

Վարչապետը հանձնարարեց արագորեն օրենսդրական փոփոխություններ մշակել ու ուղարկել ԱԺ: