Տվյալ սերիայի դեղը գրանցված չէ ՀՀ-ում. դեղի շրջանառություն է դադարեցվել

Առողջապահության նախարարի հրամանով դադարեցվել է «Միլդրոնատ, մելդոնիում (մելդոնիումի դիհիդրատ), լուծույթ ներարկման, 100մգ/մլ, 5մլ ամպուլներ N10» 32810418 սերիայի (պիտանիության ժամկետ` 04.2023թ.) դեղի շրջանառությունը Հայաստանի Հանրապետությունում:

Հայտնաբերված տվյալ սերիայի դեղը գրանցված չէ Հայաստանի Հանրապետությունում` պիտանիության ժամկետի, ներմուծման ուղու, հակացուցումների և արտադրողի վերաբերյալ տեղեկատվության անհամապատասխանության հիմքերով:

Նշված դեղը ներմուծող դեղագործական կազմակերպությանը հանձնարարվել է հանրապետության տարածքում գործող բոլոր դեղատներից և բժշկական կազմակերպություններից հետ հավաքել առկա խմբաքանակները:

Ի դեպ, «Միլդրոնատը» ցուցված է ինչպես տարատեսակ սիրտ–անոթային հիվանդությունների բուժման, այլև հուզական  և  ֆիզիկական ծանրաբեռնվածությունների դեպքում, նաև՝ ապաքինման փուլում: